近年香港經濟復甦步伐緩慢，不同行業持續傳出裁員、凍薪及縮編消息。近日有網民在連登討論區以「依家個巿係咪真係好灰？」為題發帖，指身邊多個行業的朋友都感受到市場低迷的壓力，引起不少網民共鳴。有留言更直言：「連轉生三寶（護士、老師、社工）都唔穩陣，呢個巿真係好灰。」
工程界、教育界、NGO齊呻「cut位、冇工開」
該名網民表示，過去一年聽到不同行業朋友表示「個巿好差」。「工程界近年成日講收緊皮、cut位、搵唔到工；教育界cut funding，連讀完小學PGDE都搵唔到工；NGO界社工畢業都冇得做，SWA都冇位，一走人就凍咗個位。」
帖主指出，以往被稱為「鐵飯碗」的行業，如護士、老師、社工，即「轉生三寶」，如今只剩護士「勉強企得住」。不少網民回應認同現況慘淡，感嘆「以前人人話轉行做社工、老師穩陣，依家個巿連基本穩定都冇。」
醫護行業：外勞競爭加劇 人工被壓低
醫療行業同樣難逃壓力。帖主提到，近年護士引入外勞，物理治療及職業治療（PT、OT）又話市場飽和，甚至連牙醫都面對內地診所競爭。「以前覺得醫生穩陣，但依家都唔敢講，巿場真係收緊。」
部分網民亦留言指，醫療行業需求雖大，但政府政策改變及人手引入令人工被壓低，形容「競爭越嚟越大，返多幾年工都未必有以前果個水平」。
「保安都2萬幾、的士揸Uber有3皮」 基層工反而企得穩？
有網民則指出，與其呻巿況差，不如轉行。「搵唔到野做，撈份保安都2萬幾，再唔係揸的士、Uber都有3、4皮。」但亦有人反駁，指保安職位薪金未如想像中高，「好多都係17至19K，20K以上要爭，老人家經驗豐富，後生仔好難入到。」
討論中不少人認為，雖然部分基層職位仍有需求，但整體人工停滯不前，加上通脹及樓價高企，實際生活壓力並未減輕。
消費信心下滑 「北上消費」成新常態
帖主續指，「個市長期只會keep住差落去」，基層市民首當其衝，消費力不斷下降。「依家啲人人工唔高，就唔可以亂洗錢，用淘寶、拼多多、北上消費，將自己消費力降級。」
有網民補充指，「好多中產都開始睇定啲，有錢嗰班都喺度plan出路」，認為現況與澳門早期經濟結構相似，「不斷輸入外勞、地產高壓、巿場一潭死水」。
年輕人對基層工作意欲低 中下階層最受壓
討論亦延伸至香港勞動市場結構問題。有留言指出，「新一代屋企人有積蓄，零用錢多過返工，唔會肯做基層工，結果啲鋪頭唯有請外勞。」
有教師留言指，「教育界十幾年前都係咁，中學PGDE出嚟都係做教學助理，唔知點解仲有人覺得讀完實保就業。」
網民：現況似「無底深潭」 政府應正視民生寒冬
不少留言總結道，現況已令不少人「失業難搵工，搵到都低人工」，擔心未來會「越嚟越差」。部分人認為輸入外勞政策進一步拖低市場工資，形容「呢個巿真係大鳩鑊」。
亦有較樂觀的聲音指，經濟周期總有起落，「跌一跌可能反而逼啲人轉型，過多兩三年又可能回暖。」
好工推介
職場熱話
- 1
- 2
-
德國打工仔每年平均請病假達14.8日 政府擬改革制度 首日病假扣薪 少請假者可獲獎金
TOP 1 -
衞生署招聘牙科手術助理員 月薪最高$38,715 無須牙科資歷 中學學歷可申請
TOP 2 -
面對困難容易萌生辭職念頭？ 3大方法調適壓力
TOP 3 -
80％打工仔習慣「先問AI、後問上司」 66％擔心在上司面前顯得能力不足
TOP 4 -
AI改寫職場生態？LinkedIn提出「5Cs能力」 人類優勢反成最大本錢！
TOP 5
-
最離奇職場欺凌事件？日本消防員強迫下屬玩35小時自製桌遊 被紀律處分
TOP 6 -
澳洲調查：四分三打工仔唔檢查假期結餘＋糧單 隨時損失數千元
TOP 7 -
THEi高科院首度牽頭舉辦 「大灣區高校調酒大賽」 聯動逾30間內地院校 構建餐飲酒店業交流高地
TOP 8 -
生育率創新低 逾七成受訪者不願生育 經濟壓力成最大阻力
TOP 9 -
建造業議會估計2030／31年度總工程量最多可達3600億 機械操作及機電安裝等或缺人
TOP 10
